പുതുപ്പള്ളി: തീര്ഥാടനകേന്ദ്രങ്ങളെപ്പോലും കൊള്ളയടിക്കുന്നവരാണ് ഇടതുപക്ഷ സര്ക്കാരെന്ന് തെലങ്കാന മന്ത്രി മുഹമ്മദ് അസ്ഹറുദീന്. പുതുപ്പള്ളി നിയോജക മണ്ഡലം യുഡിഎഫ് സ്ഥാനാര്ഥി ചാണ്ടി ഉമ്മന്റെ തെരഞ്ഞെടുപ്പ് പ്രചാരണത്തിന്റെ ഭാഗമായി പുതുപ്പള്ളിയില് മഹിളാ കോണ്ഗ്രസ് പ്രകടനത്തില് പ്രസംഗിക്കുകയായിരുന്നു അദ്ദേഹം.
ഇടതുപക്ഷം ഇത്രയേറെ സ്വര്ണം ശബരിമലയില്നിന്നു കവര്ന്നിട്ടും ബിജെപി സര്ക്കാര് യാതൊന്നും പറയുന്നില്ലെന്നും ഈ തെരഞ്ഞെടുപ്പില് ഇവര് തമ്മില് പരസ്പരധാരണയിലാണെന്നും അദ്ദേഹം പറഞ്ഞു. വെട്ടത്തുകവലയിലെ ക്രിക്കറ്റ് ടര്ഫില് അസ്ഹറുദീനും ചാണ്ടി ഉമ്മനും ക്രിക്കറ്റ് കളിച്ചു. പുതുപ്പള്ളി കവലയില്നിന്ന് മഹിളാ കോണ്ഗ്രസിന്റെ പ്രചാരണ പരിപാടിക്കുശേഷം ചാണ്ടി ഉമ്മനോടൊപ്പം സൈക്കിള് ചവിട്ടി. കര്ണാടക എംഎല്എ അജയ് ധരം സിംഗ്, കെപിസിസി ജനറല് സെക്രട്ടറി ജോഷി ഫിലിപ്പ് എന്നിവര് പ്രസംഗിച്ചു.
ഉമ്മന് ചാണ്ടിയുടെ കല്ലറയില് പ്രാര്ഥിച്ചശേഷമാണ് അസ്ഹറുദീന് ചടങ്ങിനെത്തിയത്. തുടര്ന്ന് കൂരോപ്പടയില് തെരഞ്ഞെടുപ്പ് പര്യടനം കണ്ണന്കുന്നില് രാജസ്ഥാന് പ്രതിപക്ഷ നേതാവ് ടിക്കാറാം മീന ജൂലി ഉദ്ഘാടനം ചെയ്തു. 14 കേന്ദ്രങ്ങളില് സ്വീകരണം ഏറ്റുവാങ്ങി കൂരോപ്പട കവലയില് സമാപിച്ചു. സമാപന സമ്മേളനം കര്ണാടക മന്ത്രി കെ.ജെ. ജോര്ജ് ഉദ്ഘാടനം ചെയ്തു.
Deepika
E-paper LOGIN
LOGIN